Denys Arcand

O director, Denys Arcand (1941, Deschambault, Quebec, Canadá)

Estudou Historia na Universidade de Montreal, onde co-dirixiu xunto a Denis Héroux Seul ou avec d’autres (1962). Posteriormente uniuse ao  National Film Board, dedicándose durante varios anos a dirixir documentais. En 1972 estrea La maudite galette, que xunto a Réjeanne Padovanni (1973) e Gina (1975) conforman un tríptico orixinal e provocativo sobre a sociedade de Quebec.

Tras dez anos dedicándose a dirixir documentais e episodios de series de televisión, sen abandonar nunca o seu espírito reivindicativo, volta á pantalla grande en 1986 cun dos seus maiores éxitos: El declive del imperio americano, obtendo multitude de premios. Con Jesús de Montreal (1989) gaña o Gran Premio do Festival de Cannes. La verdadera naturaleza del amor (1993) e Stardom (2000), dous proxectos en lingua inglesa, non acadan tanto éxito. Así pois, en 2003 volve a terreo coñecido: ao francés e aos personaxes e temas de El declive del imperio americano para filmar Las invasiones bárbaras, pola que volver a obter un enorme éxito: Óscar, premio en Cannes, en Italia, Valladolid, globo de ouro… Con La caída del imperio americano (2018) retoma novamente temas e situacións para pechar outro tríptico sobre as ambicións e o rumbo da sociedade actual.