Jim Jarmusch

(1953, Akron, Ohio, EEUU)
Tras iniciar e abandonar diversas carreiras, tanto en EEUU coma en Francia, finalmente gradúase na Escola de Cine de Nova York, onde no seu último ano chegou a colaborar na película Relámpago sobre el agua (1980) de Nicholas Ray. O seu primeiro filme, Permanent Vacation (1980) non chamou a atención en absoluto, a pesar de que as constantes do seu posterior cine están presentes xa nel: ambientes urbanos, encontros casuais e ironía sensible. Porén, a súa seguinte obra si obtería atención inmediata: Extraños en el paraíso (1984), chegando a gañar o premio Cámara de Ouro en Cannes, converténdose nun cume do cine independente e catapultando a Jim Jarmusch a cima do cine independente e de autor, posto que referendaría posteriormente con outras longametraxes coma Bajo el peso de la ley (1986), Noche en la Tierra (1991), Ghost Dog (1999), Flores rotas (2005) ou a máis recente Sólo los amantes sobreviven (2013).
Co seu estilo inconfundible, Jarmusch leva case 40 anos sendo o representante e a inspiración do cine á marxe de Hollywood.