Michael Dudok de Wit

(1953, Abcoude, Utrecht, Holanda)
Graduado na Universidade de Artes Creativas de Canterbury. Tras traballar un ano en Barcelona, establécese en Londres onde comeza a dirixir anuncios para a televisión, algúns deles animados.
En 1992 debuta coa curtametraxe de animación Tom Sweep, á que segue The Monk and the Fish (1994) nominada aos Premios Oscar, e coa que obtén multitude de premios en festivais internacionais.
Durante un tempo, De Wit compaxina a tarefa de ilustrar libros para rapaces, así como impartir clases de animación, coa creación da súa seguinte curtametraxe animada, Father and Daughter (2000) coa que volve a obter numerosos premios, incluíndo o Oscar á Mellor Curtametraxe de Animación.
La tortuga roja (2016) é a súa primeira longametraxe de animación.